Kryeministri Rama: Rruga për në BE varet nga bijat shqiptare!
E Premte 11 Prill 2025, 18:06
Dritare.net
Gjatë fjalës së tij para grave dhe vajzave në TOB, kryeministri Edi Rama vlerësoi mbështetjen e madhe të grave dhe vajzave ndaj PS-së. Rama tha se suksesi i përpjekjes drejt BE-së varet së pari nga nënat, motrat dhe bijat e vendit.
“Shumë faleminderit dhe ndërkohë që do të përpiqem të rregullojnë defektin Teknik që unë besoj se ishte i mirëseardhur se ishte orëvajtja e fundit e syrit të keq. Të dashura nëna, motra, bija kudo ku jeni, sot jemi mbledhur njëkohësisht në 12 qarqert e vendit, ku po zhvillohen 12 garat e përballjes elektorale për kuvendin e ardhshëm për të nisur zyrtarisht fushatën e 11 majit. Dhe duke qenë se ishte e vetmja mënyrë për të lidhur bashkë të gjitha forcat komando të forumit të gruas menduam se më e udhës ishte të mblidheshin drejtuesit dhe koordinatoret e çdo qarku për të përcjellë nga këtu dhe bashkë me ju për të gjitha gratë dhe vajzat një mesazh të drejpërdrejtë, Shqipëria është grua, Evropa është grua dhe suksesi i përpjekjes për Shqipërinë 2030 në BE varet në radhë të parë nga nënat, motrat dhe bijat e Shqipërisë.
Nuk ka asgjë që mua më bën më shumë krenar për PS sesa fakti që kjo forcë politike mbështetet fuqimisht nga gratë dhe vajzat e Shqipërisë. PS e mbështesin në rang kombëtar 56 përqind e zgjedhësve gra dhe vajza ndërsa në qarqe të caktuara mbështetja shkon në 65 përqind. Kjo do të thotë se te burrat dhe djemtë mbështetja është më e ulët për ne sesa te gratë dhe vajzat dhe nëse te gratë dhe vajzat avantazhi ynë ndaj kënetës është i madh, te burrat është më i ngushtë. Mbështetjen kuptimplotë prekëse dhe inkurajuese të pjesës më të ndjeshme, më të të arsyeshme, sakrifikuese të popullit, gratë dhe vajzat nuk do ta ndërroja kurrë me mbështetjen e pjesës tjetër”, u shpreh Rama./K.C/dritare.net
