Kreu i KQZ reagon pas raportit të OSBE/ODIHR: Institucionet të mbajnë përgjegjësi!
E Enjte 23 Tetor 2025, 19:07
Dritare.net
Kreu i Komisionit Qendror të Zgjedhjeve, Ilirjan Celibashi reagoi pas publikimit të raportit përfundimtar të zgjedhjeve nga ana e OSBE/ODIHR, duke theksuar se partitë politike duhet të bëjnë një reformë domethënëse elektorale brenda vitit.
"Do të jetë shenjë serioziteti dhe përgjegjshmërie institucionale dhe politike e të gjithë aktorëve të lidhur me procesin zgjedhor, për të punuar mbi gjetjet dhe rekomandimet e Raportit Final të ODIHR-it për zgjedhjet e 11 majit, si pasqyrë e plotë e këtyre zgjedhjeve.
Gjykimet dhe vlerësimet mbi gjykimet dhe vlerësimet “gjykatësit të zgjedhjeve” nuk kanë ndonjë dobi. Partitë politike, veçanërisht ato parlamentare, duhet të angazhohen për të përfunduar një reformë domethënëse zgjedhore brenda një viti.
Sa i përket KQZ: Vlerësimet pozitive - thuajse për gjithçka që ky institucion bëri në lidhje me përgatitjen dhe administrimin e këtyre zgjedhjeve - janë shtysë për të bërë akoma më mirë atë që duhet bërë", thuhet në reagimin e Celibashit./dritare.net
