Këshillat Bashkiakë, qarku Berat/ PS merr fitore të thellë në Poliçan, kryeson edhe në 4 bashkitë të tjera!
E Martë 16 Maj 2023, 10:10
Dritare.net
Ka nisur numërimi për Këshillat Bashkiakë në Bashkinë e Beratit. Deri më tani janë numëruar 100 kuti nga 117 në total. Partia Socialiste kryeson me 56.26% dhe merr 20 mandate. Ndërkohë që ‘Bashkë Fitojmë’ deri tani ka marrë e 22.14%, me 7 mandate. Partia Demokratike merr vetëm 3 mandate me 10.21%, ndërsa PDIU merr një mandat me 3.09%.
Në Bashkinë e Skraparit deri tani janë numëruar 22 nga 23 qendra votimi në total. PS është në kuotat e 44.31% me 8 mandate, ndërkohë që Bashkë Fitojmë marrin 5 mandate me rreth 30.23%. Nga 1 mandat marrin edhe PSD me 7.86% dhe PR me 6.28%. PD deri më tani nuk ka siguruar mandat.
Ndërkohë në bashkinë e Kuçovës janë numëruar 23 nga 56 QV në total. Partia Socialiste merr 46.33% dhe merr 17 mandate. Ndërkohë që ‘Bashkë Fitojmë’ deri tani janë në kuotat e 22.17% me 8 mandate. Partia Demokratike merr vetëm 3 mandate me 10.49%, ndërsa LZHK merr një mandat me 3.72%. Nga një mandat marrin edhe Partia Aleanca Demokratike e Shqipërisë dhe Partia Balli Kombëtar.
Në Bashkinë Dimal, deri tani janë numëruar 22 nga 49 qendra votimi në total. PS është në kuotat e 42.18% me 10 mandate, ndërkohë që Bashkë Fitojmë marrin 3 mandate me rreth 14.53%. Në këtë bashki merr 4 mandate edhe PD me 18.25%. Nga 1 mandat marrin edhe PSD me 5.94% dhe PR me 4.81%. Po ashtu një mandat merr edhe Partia e Gjelbër.
Ndërsa në Bashkinë e Poliçanit, ku PS mori një fitore të thellë me kandidatin Zotkaj, edhe në garën për këshillat socialistët marrin një përqindje të jashtëzakonshme, 71.08% duke marrë 13 nga 15 mandatet, ndërkohë që ‘Bashkë Fitojmë’ e Berisha-Meta vetëm 1 mandat me 10.32%, dhe PD 1 me 5.93%.
