E le Roelin jetim... Mesazhi prekës i ish-gruas së Shpat Kasapit!
E Mërkurë 26 Nëntor 2025, 14:02
Dritare.net
Selvije Jao, ish-gruaja e këngëtarit të ndjerë Shpat Kasapi, ka reaguar pas vdekjes së tij tragjike. Përmes një postimi tejet prekës në rrjetet sociale, ajo ka ndarë dhimbjen e saj të thellë, duke postuar një foto të Shpatit duke përqafuar djalin e tyre, Roelin.
Ajo thekson humbjen e madhe, duke shkruar:
“Ndroi jetë në krahët e mi, o jetë… Sa të lumtur ishim që më në fund Roelit po i bëheshin dokumentat në Itali, që të mund ta gëzonim sa më shpejt tek llogopedja më e mirë. Sa jemi lodhur, sa jemi stresuar… dhe askush nuk e di!”
Selvije tregon vështirësinë për t’i shpjeguar djalit, Roelit, mungesën e babait:
“E le Roelin jetim o Shpat… Në kohën kur më së shumti kishte nevojë për ty. Në kohën kur duart e tua i duheshin më shumë se kurrë. Si t’ia shpjegoj Roelit, që babi nuk është më?”
Postimi përmbyllet me një premtim të dhimbshëm dhe një lutje për bashkim të përjetshëm:
“Më thoje gjithmonë se do të më doje deri sa vdekja të na ndante… por ti po më ndave nga unë në krahët e mi, pse ma këpute zemrën kështu, o jetë? Inshallah takohemi në Xhenet.”
