Bashkëshortja shuplakë Macron? Videoja virale!
E Hënë 26 Maj 2025, 11:11
Dritare.net
Presidenti francez Emmanuel Macron u përfshi në një incident të pazakontë gjatë mbërritjes në Hanoi, Vietnam, më 26 maj 2025, si pjesë e një turneu zyrtar në Azinë Juglindore. Në një video që është bërë virale në rrjetet sociale, shihet momenti kur bashkëshortja e tij, Brigitte Macron, duket se e godet lehtë në fytyrë teksa ata përgatiteshin të zbrisnin nga avioni presidencial.
Pamjet tregojnë çiftin gjatë një bisedë të tensionuar në hyrje të avionit, përpara se Brigitte të kapë me duar fytyrën e Macron. Presidenti më pas buzëqesh dhe përpiqet t’i ofrojë krahun bashkëshortes së tij për të zbritur shkallët, por ajo zgjedh të mbahet te kangjellat në vend të tij.
Fillimisht, Pallati Elize mohoi incidentin si një konflikt serioz, duke e përshkruar si një moment diskutimi mes çiftit para fillimit të vizitës zyrtare . Një ndihmës i presidentit e përshkroi ngjarjen si një “grindje të shkurtër” midis Macron dhe Brigitte-s, duke shtuar se ishte një situatë e zakonshme që ndodh përpara nisjes së udhëtimeve zyrtare.
Ky incident ka ngjallur diskutime të shumta në mediat sociale dhe është interpretuar nga disa si një moment i sikletshëm për çiftin presidencial, ndërsa të tjerë e kanë parë si një shaka apo përkëdhelje spontane./L.F-dritare.net
View this post on Instagram
