300 orë punë, për të krijuar këtë fustan për Penélope Cruz!
E Diel 5 Shtator 2021, 14:02
Dritare.net
Emri i Penélope Cruz është sinonim i Chanel, kështu që nuk kishte dyshime për firmën që ajo do të zgjidhte për Festivalin e Filmit në Venecia. Aktorja zgjodhi fustanin e saj të preferuar nga koleksioni i shtëpisë vjeshtë/dimër 2021 për premierën në tapetin e kuq të filmit të saj Parallel Mothers. U deshën jo pak por 300 orë pune, për të krijuar këtë fustan.
“U dashurova me këtë fustan kur e pashë në pasarelë. I gjithë koleksioni ishte i shkëlqyer, po ky ishte i preferuari im.
Ky është një film shumë i rëndësishëm për mua, kështu që unë kisha nevojë për një fustan të veçantë”.
Gjatë marrëdhënies së saj të gjatë me Chanel, Cruz shprehet se çdo veshje e tyre, është e përsosur./L.F-dritare.net
