Meta nuk e njohu si anëtare të Kushtetueses, Arta Vorpsi betohet te noteri
SHKRUAR MË 14 Nëntor 2019
Dritare.net
Presidenti i Republikës së Shqipërisë Ilir Meta deklaroi se nuk do ta thërriste anëtaren e Gjykatës Kushtetuese, Arta Vorspi, për të kryer procesin e dhënies së detyrës. Mësohet se kjo e fundit, pavarësisht deklaratës së Metës, ka kryer betimin te noterja Miranda Xhemalce.
Në tekstin e betimit, gjyqtarja Arta Vorpsi thekson: “Unë e nënshkruara, Arta Vorpsi, në cilësinë e gjyqtares së Gjykatës Kushtetuese të emëruar, bazuar në vendimin nr.132 datë 21.09.2019 të Këshillit të Emërimeve në Drejtësi, botuar në Fletores Zyrtare, me vullnetin tim dhe gatishmërinë për të ushtruar menjëherë funksionin e gjyqtarit të Kushtetueses dhe me dorën e vendosur mbi Kushtetutë, betohem: Betohem se gjatë kryerjes së detyrave të mia do t’i qëndroj kurdoherë besnik Kushtetutës së Republikës së Shqipërisë”/E.B-dritare.net
