Meta i shpall sfidë Ramës: O sot, o kurrë!

Presidenti i vendit Ilir Meta, me anë të një postimi në faqen e tij zyrtare në facebook, ka sulmuar qeverinë, duke përmendur propagandën dhe PPP të cilat sipas kreut të shtetit janë një komplot kundër demokracisë. Ndaj për këtë, ai ka shkruar se është më i vendosur se kurrë, për të shpëtuar demokracinë, ose  sot ose kurrë.

"Fenomeni i rrezikshëm i shtetit paralel të propagandës dhe PPP-ve, dhe axhendat e nëndheshme që kanë kapur për fyti Shqipërinë, nuk janë gjë tjetër veçse një komplot kundër demokracisë, çdo vlere e parimi të saj, kundër sovranitetit të të gjithë qytetarëve që duan një demokraci të vërtetë europiane dhe perëndimore.

Ndaj ne sot kemi një mision të përbashkët historik: Të shpëtojmë demokracinë nga pengmarrja e një pakice të papërgjegjshme dhe jolegjitime!

Koha nuk pret!

Kjo është beteja jonë! E njerëzve të lirë, të ndershëm dhe punëtorë, e rinisë sonë të mrekullueshme! E të gjithëve ne që e duam me shpirt dhe zemër Shqipërinë! Dhe unë jam më i vendosur se kurrë!

Regjimi i bllokmenëve ishte shumë herë më i vështirë se regjimi i oligarkëve për t'u përmbysur!

Zgjidhja nuk është tërheqja dhe justifikimet foshnjore, por përballja me të keqen dhe ligësinë!

O SOT O KURRË", shkruan presidenti Meta./L.F-dritare.net