Kancelarja gjermane Angela Merkel do të zhvillojë sot një takim me Presidentin rus Vladimir Putin, ku do të diksutojnë për tensionet në Lindje të Mesme, kryesisht në Siri dhe Libi.
“Qartazi, tensionet mes Shteteve të Bashkuara dhe Iranit, në mesin e disa çështjeve të tjera, mund të jenë temë e bisedimeve mes kancelares dhe presidentit Putin në Moskë”, tha zëdhënësi i qeverisë gjermane, Steffen Seibert.
Ai tha se Rusia është faktor i rëndësishëm në skenën botërore dhe si anëtare e Këshillit të Sigurimit të Kombeve të Bashkuara, duhet të marrë pjesë në zgjidhjen e konflikteve politike.
Kujtojmë se Merkel dhe Putin janë takuar muajin e shkuar, për të arritur një armëpushim në pjesën lindore të Ukrainës./E.B-dritare.net
