Masakra në Meksikë/ 13-vjeçari fshehu motrat në shkurre, udhëtoi 23 kilometra për të kërkuar ndihmë

Një djalë 13-vjeçar i cili i mbijetoi sulmit me armë nga një kartel droge në veri të Meksikës, ka vrapuar për 23 kilometra për të kërkuar ndihmë.

13-vjeçari kishte fshehur gjashtë prej motrave dhe vëllezërve të tij në shkurre, para se të nisej për të kërkuar ndihmë, shkruan dritare.net

Tetë fëmijë i mbijetuan sulmit në Meksikën veriore, ku mbetën të vrarë tre gra dhe gjashtë fëmijë të tjerë.

Viktimat janë anëtarë të familjes LeBaron. Ministri i sigurisë i Meksikës tha që grupi mund të ishte vënë në shënjestër aksidentalisht për shkak të identifikimit të gabuar. Por, anëtarët e familjes kanë thënë që komuniteti i tyre kishte marrë kërcënime në të kaluarën.

Shteti i Sonoras në veri të Meksikës është përfshirë nga luftimet mes dy bandave rivale, La Línea, e cila ka lidhje me kartelin më të madh Juárez dhe “Los Chapos”, e cila është pjesë e kartelit të Sinaloas, shkruan dritare.net

LEXO DHE :  Çelet sot Panairi i Librit "Tirana 2019"

Ngjarja:

Tre nëna dhe 14 fëmijët e tyre u nisën në tre makina të ndryshme, nga La Mora në Sonora të hënën në mëngjes për të marrë pjesë në një dasmë.

Mirëpo tre makinat e tyre u zunë në pritë nga persona të armatosur afër Bavispe.13-vjeçari Devin Langford, po udhëtonte me tetë motrat, vëllezërit dhe nënën e tij në një automjet. Nëna e tij, Daëna Langford, u vra së bashku me dy vëllezërit e tij në sulm, shkruan dritare.net

Devin shpëtoi me gjashtë motrat e vëllezërit e tij, të cilët i fshehu në shkurre. Ai më pas vrapoi për gjashtë orë për të arritur në bazën e komunitetit në La Mora.
Një nga motrat e Devin, McKenzie nëntëvjeçare, i la pesë motrat e vëllezërit e tjerë dhe eci për katër orë në errësirë për shkak se Devin nuk ishte kthyer. Ajo u gjet më vonë nga ekipi i shpëtimit./ I.M-Dritare.net

 

Për t’u bërë pjesë e grupit "Dritare.net" mjafton të klikoni: JOIN GROUP

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.