Lëvizja për Universitetin paralajmëron rikthimin e protestave të studentëve!
SHKRUAR MË 15 Nëntor 2019
Dritare.net
Më 4 dhjetor bëhet një vit që kur nisi protesta e parë e studentëve për t'u pasur më vonë me shumë të tjera, me kauzën e përmirësimit të cilësisë arsimore dhe përmirësimin e kushteve të fakulteteve dhe konvikteve.
Mesa duket protestat studentore do të kthehen sërish, pasi Lëvizja për Universitetin pretendon se kushtet e studentëve nuk janë plotësuar.
Ndryshe nga vjet ku nuk pati një organizim, këtë herë janë formuluar kërkesat dhe qëllimet e protestave.
Njoftimi i Lëvizjes për Universitetin
ME MIJËRA NË PROTESTË!
Më 4 dhjetor, në njëvjetorin e nisjes së protestave madhështore të studentëve, mblidhemi sërish me mijëra në protestë:
KUNDËR
- Ligjit të arsimit të lartë
- Financimit të universiteteve private me paratë tona
- Abuzimit me të drejtat e studentëve
PËR
- Arsim cilësor
- Dyfishimin e buxhetit të arsimit të lartë
- Përgjysmimin e të gjitha tarifave
- Votë të barabartë studentë-pedagogë
- Kushte dinjitoze studimi dhe jetese
- Perspektivë punësimi profesional
NE DO TË FITOJMË!
BASHKË ME STUDENTËT, E GJITHË SHOQËRIA!/E.B-dritare.net
https://www.facebook.com/PerUniversitetin/photos/a.651605008210820/2515255818512387/?type=3&theater
