Si ta kuroj ankthin. Këshilla e psikologes!
E Hënë 2 Dhjetor 2024, 11:11
Dritare.net
Përshëndetje Psikologe Enertila. Unë që ju shkruaj jam një vajzë e cila shqetësohem shumë sepse përjetoj shumë ankth. Kam nevojë për një këshillë nga ana juaj.
Psikologe Enertila Bekteshi përgjigjet!
Përshëndetje lexues të Dritare.net. Ankth do të thotë që njerëzit shqetësohen në mënyrë të vazhdueshme për të ardhmen e tyre, duke shkaktuar nervozizëm mendor dhe fizik për situata që nuk kanë ndodhur ende.
Të mësuarit për të qetësuar ankthin është i nevojshëm edhe nëse përballemi me një problem ose nëse është një reagim specifik ndaj ngjarjeve të caktuara. Në këndvështrimin tim për qetësimin e ankthit duhet të fokusohemi në kontrollin e frikës, shqetësimeve dhe nervozizmit të ankthit.
Prandaj, kryesorja është të përpiqeni të fokusoheni në shtytjen e mendimeve dhe sjelljeve që nuk japin ankth. E dashur lexuesja jonë kufizoni marrjen e kafeinës ose alkoolit. Një mënyrë tjetër e vlefshme që lidhet me këtë gjendje është ndërgjegjja, të përpiqesh të jesh gjithmonë në momentin e tanishëm.
Të qetësosh ankthin është pikërisht kjo, thjesht përpiquni të lini mendjen bosh për disa minuta dhe të qëndroni në momentin që jeni aktualisht. Lexuesja jonë shmangni vetëkritikën negative mënyra se si flasim me veten çon gjithashtu në një cikël toksik . Prandaj, për të lehtësuar ankthin , sugjeroj që të përpiqeni të trajtoni vetë-bisedimet negative dhe të jeni më pozitiv. Për të qetësuar ankthin , është e rëndësishme të jeni të vetëdijshëm se kur shfaqet dhe pse. Kjo do të thotë, të kuptoni se çfarë bën të ndiheni të shqetësuar.
Duke mësuar të kuptoni këto situata, mund të bëhemi më të vetëdijshëm dhe të fillojmë të planifikojmë strategji për t'u përballur me ankthin. Në shumë raste, njerëzit që vuajnë nga ankthi përfundojnë duke vuajtur nga ai sepse përpiqen të kontrollojnë aspekte të jetës së tyre që nuk mund t'i kontrollojnë. Prandaj, është thelbësore të përpiqeni të përqendroheni në atë që mund të kontrolloni, siç është qëndrimi ose sjellja juaj, në vend të asaj që bëjnë të tjerët.
E dashur lexuesja jonë ndani ndjenjat tuaja me dikë që keni besim. Nëse ankthi është i tepruar, mund të përpiqeni të flisni për të me dikë afër jush. Kjo do t'ju lejojë t'i shihni gjërat nga një këndvështrim tjetër dhe të keni një vizion më të gjerë të situatës. Mundohuni ta merrni me humor, të qeshni me të metat ose ankthin tuaj kjo mund të ndihmojë në lehtësimin e simptomave fizike dhe mendore. Humori do t'ju ndihmojë të zvogëloni praninë e kortizolit në trup, të eliminoni një pjesë të të ashtuquajturit hormoni i stresit dhe ankthit.
Lexuesja jonë kjo gjendje ju kufizon në jetën e përditshme ndaj është e rëndësishme që të kontaktoni një psikolog profesionist. Shpresoj shumë që këndvështrimi im tu ndihmojë sadopak. Gjithë të mirat!/dritare.net
