Kush është gruaja e vetme, që qëndroi përkrah Bashës, sot në protestë

Opozita ka protestuar sot gjatë orës 11:00 deri në 12:00, duke bllokuar disa akse kryesore të vendit. Lideri i opozitës Lulzim Basha është bashkuar me protestuesit demokratë në sheshin “Shqiponja”. Ndërkohë është vënë re e mungesa e disa figurave kyçe të PD-së, të cilat njihen edhe si mbështetëse të Berishës. Ish kryeparlamentarja Jozefina Topalli është parë rrallë në çadrën e opozitës, edhe sot mungoi. Po kështu edhe Majlinda Bregu, që së fundi është takuar me negociatorin e PPE dhe me ambasadorin Donald LU, nuk është parë në protestën e sotme.

Por të pakta kanë qenë edhe thirrjet në rrjetet sociale. Gratë e PD e kanë “braktisur”Bashën. Duke parë në Facebook-une e disa figurave të PD, si Grida Duma, Jorida Tabaku, Albina Deda nuk ka pasur asnjë postim për lajmërimin e protestës.

Por pavarësisht grave të politikës, Basha nuk është braktisur nga gruaja e shtëpisë, Aurela Basha. Ashtu siç është parë shpesh në çadrën e opozitës ku ka mbajtur fjalime, ajo është parë edhe në sheshin “Shqiponja”, përkrah bashkëshortit të saj, duke e mbështetur në rrugën që ka nisur me protesta./dritare.net