A janë të rrezikshme pianurat e gatimit? Flasin ekspertët!
E Martë 7 Nëntor 2023, 22:10
Dritare.net
Burimi Sky tg24
Në internet po qarkullojnë informacione për rreziqet për shëndetin që mund të vijnë nga përdorimi i pianurës, veçanërisht për emetimin e rrezatimit elektromagnetik të rrezikshëm dhe për faktin se ushqimet do të humbnin vlerën e tyre ushqyese.
PANURAT INDUKTIVE
Vitet e fundit, gjithnjë e më shumë njerëz po i zëvendësojnë sobat e tyre me dru dhe me gaz, me pllaka me induksion. Megjithatë, ka dyshime për efektet e mundshme negative në shëndet.
RREZATIMI ELEKTROMAGNETIK
Një nga dyshimet ka të bëjë me emetimin e rrezatimit të rrezikshëm elektromagnetik. Në realitet, lexojmë në uebsajtin belg Passion Santé, pianurat me induksion kanë frekuenca të ulëta ose të ndërmjetme që variojnë nga 20 deri në 100 kHz, informon dritare.net
FREKUENCAT
Këto janë të njëjtat frekuenca të emetuara nga shumë pajisje të tjera në shtëpi: ekranet CRT të televizorëve ose kompjuterëve, radiot, llambat e kursimit të energjisë, Wi-Fi, furrat me korrent.
KUFIJTË PËR PRODHUESIT
Sipas një agjencie të specializuar ndërkombëtare (Komisioni Ndërkombëtar për Mbrojtjen nga Rrezatimi Jojonizues - Icnirp), ato nuk mund të kalojnë një rrezatim magnetik referent prej 6,25 mikrotesla (μT) në 30 cm nga zona e gatimit kur përdorin një pianurë të vetme (me kusht që të jetë një tigan mjaft i madh)
DISTANCA
Ministria Zvicerane e Shëndetësisë ka përcaktuar se vlera e udhëzuesit të sigurisë nuk tejkalohet kur personi që gatuan është i pozicionuar 5 ose 10 cm larg sobës, pavarësisht nga numri i pjanurave të përdorura njëkohësisht.
RREGULLAT
Një rrymë elektrike e dobët lëshohet vetëm nën një distancë prej 1 cm, kur tava është më e vogël se pianura ose kur preket gjatë gatimit.
VLERA USHQIMORE
Për më tepër, ushqimet e përgatitura në pllakën me induksion nuk janë vërtetuar kurrë se ndryshojnë përbërjen e tyre kimike, përmbajnë substanca të dëmshme ose kanë një vlerë më të ulët ushqyese se ushqimet e përgatitura në mënyrë konvencionale.
JO RREZIK
Ushqimi thith vetëm nxehtësinë nga tigani, që do të thotë se nuk mund të dëmtohet nga pianura me induksion dhe rrezatimi që lëshon./K.C/dritare.net
