Kavajë/ Sot betohet kryebashkiaku i ri, mbështetësit e PD protestë para bashkisë

Sot pritet të betohet kryebashkiaku i ri i Kavajës, Redjan Krali. Ai fitoi në zgjedhjet vendore që u zhvilluan më  30 qershor. Por ish-kryebashkiaku nga radhët e PD-së, Isa Sakja, ka deklaruar se nuk do ta lërë zyrën e tij, ndërsa para bashkisë një grup me militantë demokratë, po protestojnë kundër Kralit. Në një prononcim të shkurtër për mediet Sakja tha se:

"Sot do të jem në zyrë, është ditë e zakonshme pune. Më 30 qershor nuk ka pasur zgjedhje. Kemi një dekret të presidentit të Republikës në fuqi dhe absolutisht është e pamundur që populli i Kavajës, të tolerojnë qeverinë që të emërojë në krye të bashkive të djathta dhe të majta të emëruarit e tyre të pazgjedhur. Dua t'ju bëj me dije se në Kavajë kanë votuar vetëm 5%", u shpreh ai./L.F-dritare.net