Je mjeke? Ik dhe mos e kthe më kokën pas!

Nga Luna Ruvina

Ik e mos e kthe më kokën prapa, i tha pronarja e lokalit ku po pinim kafe, një shoqes sime mjeke, e cila niset sot për Gjermani. I shoqi, një profesionist që ka mbuluar projekte shumë të rëndësishme në vend, ka muaj që ka filluar të punojë për një kompani gjermane në Mynih. Brenda dy-tri javëve, edhe fëmijët do të duhet t’i regjistrojnë në shkollë dhe në kopsht afër shtëpisë atje, se më pas edhe e ëma do të duhet të fillojë punë në një spital në periferi të Mynihut.

“Nuk është se nuk kemi ç’humbasim këtu”, – më tha mjekja. “Unë e kam një punë të mirë këtu. Edhe im shoq gjithashtu, por këtu gjithçka po rrënohet. Shih Parlamentin, asgjë më shumë. Nuk kam shpresë, ka humbur shpresa.”

LEXO DHE :  Rama nis ditën me Aristotelin: Ka vetëm një mënyrë për të mos u kritikuar

“Jo, shpresa nuk ka humbur, – nuk i dilte e keqja pronares së lokalit – se po të kish humbur, edhe mund ta gjenim. Atë na e kanë vrarë.” Ajo, pronarja, është një mesogrua, e cila që prej pesëmbëdhjetë vitesh që e njoh, së bashku me burrin dhe fëmijët rropaten në punë. Zgjohet që me natë, punon gjithë ditën deri vonë, nuk pushon asnjë ditë të javës dhe ende nuk e ka një shtëpi të vetën. E mes këtyre bisedave, emigrantja doktoreshë e rrufiti kafenë për herë të fundit dhe u nis./dritare.net

Për t’u bërë pjesë e grupit "Dritare.net" mjafton të klikoni: JOIN GROUP

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.