Infeksionet urinare, ja faktorët që rrezikojnë femrat dhe meshkujt!
E Mërkurë 29 Mars 2017, 16:04
Dritare.net
Faktorët që rrisin rrezikun e zhvillimit të infeksioneve të traktit urinar tek femrat janë:
Aktiviteti seksual, që shtyn bakterin në uretër.
Shtatzënia
Një infeksion urinar i mëparshëm
Mungesa e estrogjenit, që lejon bakterin që mund të shkaktojë infeksione urinare të rritet më lehtë në vaginë ose uretër. Gratë që kanë kaluar në menopauzë janë gjithashtu më të rrezikuara nga infeksionet urinare.
Faktorët rrezikues tek meshkujt
Problemet me gjëndrën e prostatës. Meshkujt preken më shumë nga infeksionet urinare me kalimin e moshës për shkak të problemeve me prostatën, si prostata e zmadhuar (hiperplazia beninje e prostatës) dhe inflamacioni i gjëndrës së prostatës.
Seksi anal
Kryerja e marrëdhënieve seksuale pa masa mbrojtëse me një grua që ka infeksion vaginal
Infeksioni HIV
Faktorët rrezikues si tek meshkujt ashtu edhe tek femrat
Disa faktorë janë të njëjtë si te meshkujt ashtu edhe tek femrat. Ato janë:
Gurët në veshka dhe pengesa të tjera në traktin urinar. Ato mund të bllokojnë shkarkimin e urinës, duke rritur këtu rrezikun për infeksion bakterial.
Diabet: Njerëzit me diabet janë më të rrezikuar për t’u prekur nga infeksionet urinare duke qenë se sistemi i tyre imunitar është më i dobët. Gjithashtu, nivelet e larta të sheqerit në gjak për një kohë të gjatë mund të dëmtojnë sistemin filtrues të veshkave.
