Mediat kanë raportuar sot se, kryeministri i vendit tonë, Edi Rama ka paditur kryeministrin në detyrë të Kosovës, Ramush Haradinaj. Ndërkohë për këtë ka reaguar edhe Haradinaj. Përmes një postimi në Facebook, Haradinaj shkruan se, do të përgatisë një përgjigje në padi, sipas ligjit. Haradinaj thotë se padia e Ramës është e pabazuar.
“Sot është raportuar në media se Kryeministri i Shqipërisë Edi Rama ka deponuar padi kundër meje në Gjykatë.
Unë, sipas ligjit, do të përgatis përgjigje në padi, në afatet e përcaktuara ligjore!
Padia e Kryeministrit Rama është plotësisht e pabazuar dhe një diverzion politik që bëhet nga ana e tij, që të fshihet pas dramave mediale dhe t’i ikë përgjegjësisë.
Kombi ynë dhe Kosova ka njerëz që i dalin zot në çdo kohë.
RH”,– shkruan Haradinaj./K.C/dritare.net
