Një ngjarje e rëndë ka ndodhur në mesnatë, në zonën e Astirit dhe Yzberishtit. Mësohet se janë djegur tre makina në parkingun e një pallati. Nga hetimet paraprake, dyshohet se zjarrvënia ka qenë e qëllimshme.
Flakët e zjarrit janë ngjitur në pallat nga tubat e ajrimit, duke shkaktuar panik te banorët.
Menjëherë ka ndërhyrë zjarrfikësja për shuarjen e zjarrit dhe largimin e tymit. Për këtë ngjarje është bërë evakuuimi i banorëve të disa apartamenteve, të cilët rrezikonin të asfiksoheshin.
Policia dhe grupi hetimor po punojnë për zbardhjen e ngjarjes./E.B-dritare.net
