Për shkak të temperaturave të ulëta, bora dhe ngrica kanë vështirësuar qarkullimin rrugor. Gjendja e rrugëve vijon të mbetet problematike në disa akse, ndërsa Autoriteti Rrugor Shqiptar njofton se kush janë rrugët më problematike në vend.
Sipas ARRSH, edhe pse nuk ka pasur reshje, ngrica vijon të mbetet prezente, dhe gjendja në rajonet kryesore të Shqipërisë paraqitet si më poshtë;
Rajoni Verior: Gjatë natës nuk ka pasur reshje. Në të gjitha akset ku ka prezencë ngricash, është bërë shpërndarja e kripës.
Segmentet që janë të kalueshme me zinxhir, ose pjesërisht me zinxhir janë:
Domaj-Draj Reç
Ura e Cerenecit-Stebleve
Sllovë -Vasije
Peshkopi-Qafë-Drajë
Peshkopi-Ushtelencë
Qafë Bualli-Krastë
Trebisht-Doganë
Në akset e tjera qarkullimi është normal.
Rajoni Qendror: Gjatë natës nuk ka pasur rreshje. Është punuar nga kontraktorët gjatë orëve të mëngjesit për shpërndarjen e kripës në segmentet ku ka prezencë ngricash. Ka përmirësim të situatës në akset e Dajtit.
Qarkullimi në akset e këtij Rajoni është si më poshtë:
Në aksin nga Trau i Dajtit-Teleferik-Vilat Qeveritare rekomandohet përdorimi i zinxhirëve në disa segmente.
Qafë Priskë-Shëngjergj rekomandohet pjesërisht përdorimi i zinxhirëve për shkak të prezencës së ngricave.
Qafë Priskë-Qafë Mollë rekomandohet përdorimi i zinxhirëve.
Aksi Krujë-Sarisalltik rekomandohet pjesërisht me zinxhir.
Lunik-Steblevë rekomandohet me zinxhir.
Në akset e tjera qarkullimi është normal.
Rajoni Jugor: Gjatë natës nuk ka pasur reshje. Temperaturat kanë qenë të ulëta, sidomos në Qarkun e Korçës. Gjatë orëve të para të mëngjesit, është bërë shpërndarja e kripës nga ana e kontraktorëve për shkak të ngricave në rrugë.
Qarkullimi në akset e këtij Rajoni paraqitet si më poshtë:
Në Qarkun Korçe qarkullimi kryhet normalisht, pa zinxhir.
Në Qarkun Gjirokastër qarkullimi normal pa probleme.
Në Qarkun Vlorë qarkullimi i mjeteve bëhet normalisht pa zinxhir./E.B-dritare.net
