Ç’mendon sot Rudina Dembacaj për ‘Portokalli’, ‘Al Pazar’ dhe ‘Duplex’
E Shtunë 12 Janar 2019, 19:07
Dritare.net
Për “Portokallinë”:
“Të jem e sinqertë, me ‘Portokallinë’ qesh gjithmonë. Për mua ‘Portokallia’ ka ngelur akoma frymëzuese. E di shumë mirë punën e regjisorit Altin Basha, e di shumë mirë sensin e masës sa të rëndësishëm e ka. Dhe unë e dalloj shumë mirë se ku ka thënë ai ‘stop’.
Për “Al Pazarin”:
“Ndërkohë kur kam qenë në ‘Al Pazar’ gjithmonë e luftoja këtë gjë [sensin e masës]. Madje Llakaj me përbuzje më thoshte ‘hë të ka mësuar Altin Basha ty’. Sepse unë ia kisha vjedhur këtë [veçori] Altin Bashës – sensin e masës. Ndërkohë Llakaj e ka komplet të kundërtën – e zgjat materialin, e bën leckë me pak fjalë. Por kam pasur vetë në dorë montazhin në një periudhë kohë dhe e prisja kur të doja. Për mua sensi i masës është shumë i rëndësishëm. Dhe me thënë të drejtën, ‘Al Pazar’ s’më bënte për të qeshur kurrë më, përveç binjakëve, se ata i dua shumë. Sa gjynah, se do marrin gjobë ata: Nuk flas me binjakët, nuk i kam shokë.” – ironizoi ajo.
Po për “Duplex?:
“Vdes për Visjanin [Ukcenajn], e kam pikë të dobët si aktor. Më pëlqen edhe Albano Bogdo, edhe Egi [Laknori]. Me thënë të drejtën, kohëve të fundit, Julin e shoh pak në presion. Është me atë presionin e shikueshmërisë dhe përgjegjshmërisë dhe nuk po shpërthen. E kuptoj shumë mirë se më ka ndodhur edhe vetë, nën presionin që gjërat duhet të dalin mirë, nuk luan ashtu siç duhet.”
Ndër të tjera, Rudina shtoi se disa nga aktoret më të talentuara sipas saj janë:
“E dua shumë Albana Perhatin, e dua shumë te roli i Bukrës. Dua shumë Renadën, e cila ka ngelur tek roli i Luzes, është rehat aty, megjithëse jam e sigurt që do të qante edhe shumë personazhe të tjera. Më pëlqen shumë edhe Cubi te ‘Duplex’ dhe Delinda që edhe pse nuk kam shumë marrëdhënie shoqërore siç kam me gocat që kam qenë dikur në ‘Portokalli’, më pëlqen shumë.”/Anabel.com
[caption id="attachment_486651" align="alignnone" width="640"]
Albana Perhati[/caption]
[caption id="attachment_486650" align="alignnone" width="640"]
Renada Caci[/caption]
[caption id="attachment_486649" align="alignnone" width="640"]
Esmeranda Metka (Cubi)[/caption]
[caption id="attachment_486648" align="alignnone" width="640"]
Dalinda Disha[/caption]
