Presidenti rus Vladimir Putin deklaroi se plani i SHBA-së për Ukrainën mund të shërbejë si bazë për diskutime dhe marrëveshje të ardhshme, duke nënvizuar rëndësinë e njohjes së sovranitetit rus mbi Krimenë dhe Donbasin. Gjatë një deklarate për mediat në Kirgistan, Putin tha se Rusia është e gatshme të negocionjë për garanci sigurie me Evropën dhe nuk ka qëllim të sulmojë kontinentin. Ai gjithashtu konfirmoi se pret negociatorë amerikanë në Moskë javën e ardhshme.
Putin theksoi se Ukraina ka humbur 47,000 ushtarë vetëm gjatë muajit tetor dhe se nivele të larta dezertimi janë evidente. Ai shtoi se konfliktet do të përfundojnë kur forcat ukrainase të tërhiqen nga pozicionet aktuale. Territoriet e pushtuara nga Rusia në Ukrainë po rriten me ritme të shpejta, disa fshatra janë rrethuar dhe Moska kërkon njohje ndërkombëtare për zonat e kontrolluara.
Presidenti rus mohoi spekulimet për rënien e ministrit të Jashtëm Sergej Lavrov dhe kritikoi bllokimin e pasurive ruse në Evropë, duke e cilësuar si “vjedhje” dhe paralajmëroi përgjigje nga Moska. Ai theksoi gjithashtu se Rusia është e gatshme të kryejë teste bërthamore nëse situata kërkon dhe se përgatitja për to kërkon kohë dhe vendosmëri. Putin përfundoi duke theksuar se Rusia nuk ka pasur kurrë qëllim të sulmojë Evropën dhe se marrëdhëniet e tij personale me negociatorët amerikanë janë të qëndrueshme dhe profesionale./K.C/dritare.net
