Para se të vdiste Kobe Bryant kishte lënë një letër dashurie për gruan
E Mërkurë 6 Maj 2020, 15:03
Dritare.net
Vanessa Bryant priti një ditë më shumë për të hapur surprizën që ajo kurrë nuk e priste, nuk e dinte se ekzistonte.
Të hënën, një ditë para ditëlindjes së 38-të, gruaja e legjendës së basketbollit, Kobe Bryant gjeti një letër nga burri i saj i ndjerë.
Kanë kaluar tre muaj që nga dita kur ish-superylli i “Lakers”, Bryant, vajza e tij Gianna dhe shtatë persona të tjerë humbën jetën pas përplasjes me helikopter në Calabasas, Kaliforni.
Ndërsa poston foton e një zarfi në Instagram, Vanessa shkruan:
"Dje gjeta një zarf me etiketën “Për: Dashurinë e jetës sime. Nga: Tu Papi”. Prita që të hapja edhe një letër në ditëlindjen time. Më dha diçka për të vazhduar përpara. Ironia është se Kobe kishte një foto timen të vizatuar, me një engjëll që më mbante lart. Më mungon dashuria e jetës sime dhe Mamacita ime e vogël dhe e ëmbël. Jam mirënjohëse që do të zgjohem me 3 vajzat e mia të ëmbla. Dëshiroja të ishim të gjithë bashkë.”/K.C/dritare.net
