Anglia sërish në izolim të plotë, deri në mes të shkurtit!
E Hënë 4 Janar 2021, 21:09
Dritare.net
Kryeministri britanik, Boris Johnson ka njoftuar rikthimin e bllokimit të plotë në të gjithë Anglinë ndërsa vendi po përballet me rritjen e numrit të infektimeve me variantin e ri të COVID-19, i vlerësuar nga ekspertët si më ngjitës.
“Ky izolim i ri, po aq i rreptë, sa ai i vendosur në pranverë, parashikon mbylljen e shkollave dhe duhet të zgjasë, nëse e lejojnë kushtet, deri në mes të shkurtit”, ka thënë ai në një deklaratë për shtyp.
“Bllokimi i ri do të bëhet ligj që në orët e para të së mërkurës, por banorët duhet t’i ndjekin rregullat e reja nga tani”, ka shtuar kryeministri britanik.
Banorët tani lejohen të largohen nga shtëpitë e tyre vetëm për të blerë gjëra të domosdoshme, për stërvitje fizike, arsye mjekësore dhe nëse nuk kanë mundësi të punojnë nga shtëpia./M.M-dritare.net
