Basha: PS të reflektojë, duhen zgjedhje të parakohshme të përgjithshme!

Kryetari i Partisë Demokratike, Lulzim Basha, pas takimit me  raportuesit e KiE, ka thënë se duhet të mbahen zgjedhje të parakohshme të përgjithshme në vend, duke shtuar se është koha që të merren vendime të duhura për vendin.

Më pas i u shpreh se kjo situatë duhet të marrë fund dhe i bëri thirrje Partisë Socialiste të reflektojë.

Të mbahen sa më parë zgjedhje të parakohshme parlamentare. Në Shqipëri janë përvijuar 2 qëndrime, qëndrimi i një shumice absolute, i opozitës që kështu nuk mund të vazhdohet dhe i një pakice absolute që nuk do ndryshim.

Dështimet e njëpasnjëshme të kësaj qeveri i paguajnë shqiptarët. Dështimin me ekonominë, me shëndetësinë, me punësimin. Është koha për të marrë vendimin e duhur për vendin, për të vendosur interesin e vendit mbi interesat politike. nuk mund të vazhdojë më gjatë kështu.

Sot është e rëndësishme se përse nuk zbatohet ligji, pse mbahen në dorë Babani apo Kajmaku i Vorës. Në Shqipëri nuk ka shtet ligjor. Ligji nuk është i barabartë për të gjithë. Një nënë keqtrajtohet, ndërsa pushtetarët e kapur në afera korruptive nuk iu hyn gjemb në këmbë. Kjo situatë duhet të marrë fund.

Jemi të hapur për të gjithë instrumentet që garantojnë ecjen përpara.

PS të reflektojë sa nuk është vonë. Kjo situatë nuk mund të vazhdojë pafund. ndërkohë që ne përgatisim ofertën tonë për të nxjerrë vendin nga kjo krizë, të jeni të sigurt se edhe durimit të popullit po i vjen fund. Ka ardhur koha të ndërtojmë një demokraci ku çdo shqiptar të jetë aksioner”, deklaroi Basha./E.B-dritare.net

LEXO DHE :  Ja si të përgatisni vetë një dezinfektues duarsh!

Për t’u bërë pjesë e grupit "Dritare.net" mjafton të klikoni: JOIN GROUP

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.