Xhelozia që solli tragjedi, nga magjia për xhindet. Tani lufta për tre fëmijët jetimë
E Shtunë 1 Dhjetor 2018, 17:05
Dritare.net
Rreth një muaj më parë në gjykatën e Krimeve të Rënda kanë dhënë dëshminë e tyre 3 fëmijët e çiftit Sula, për të cilët që nga momenti i ndodhjes së ngjarjes kujdeset tezja. Dëshmitë e tyre janë rrëqethëse.
“E lagën gjithandej shtëpinë me ujë duke thanë se po largonin xhindet. Të njëjtën gjë bënë edhe me nënën tonë, me shpjegimin se po i largonin shpirtrat e këqij dhe po e qetësonin. Aty ishte i pranishëm babai ynë dhe i akuzuari Fatjon Karmneshta. Ata i hidhnin ujë se sipas tyre kështu mund të bëhej një grua e nënshtruar”, kujtuan fëmijët.
“Mamaja na shikonte e trishtuar dhe kur e gjitha përfundoi na u lut mos t’i tregonim askujt”.
“Një natë, pasi mbylli punën në biznes, nëna u kthye në shtëpi. Por nuk ia hapen portën, as babai as gjyshi. Ka qëndruar jashtë në shi gjithë mbrëmjen duke qëlluar portën e duke u lutur ta lejonin të hynte. Por ata nuk ia hapen, madje babai ngrinte zërin e televizorit që ne mos ta dëgjonim”.
“E futën vëllain e vogël në një dhome dhe deshën t’i merrnin flokë fshehtas, por aty hyri nëna dhe u kërkoi të bënin ADN në formën e duhur”.
Pas këtyre dëshmive kanë reaguar halla dhe gjyshi i tyre të cilët të tronditur e konsiderojnë gjithë këtë një farsë dhe manipulim të fëmijëve nga tezja. Babai i biznesmenit Fadil Sula thyen heshtjen dhe akuzon tezen e fëmijëve se i ka ndarë për së gjalli prej tyre. Ja çfarë thotë ai emisionin “Fol me psikologen”:
“Z.Flutra na i rrëmbeu fëmijët që ditën e fatkeqësisë, i solli pas të shtatave të shoqëruar me polic për të marrë librat dhe teshat e tyre. Nuk mundja më, u ndodha nga njëri moment në tjetrin në shtëpi bosh pa askënd, pa nuse, pa djalin, pa nipërit e mbesën që i rrita unë sepse Sadoja e Suela i dedikonin shumë kohë aktivitetit e unë i çoja e i merrja nga shkolla, bëja me hangër. Më mungonte buzëqeshja dhe përqafimet e tyre prandaj vendosa të shkoj në shkollë. Në hyrjen e brendshme po flisja me drejtorin për të mundësuar takimin me fëmijët, kur mbërrin Flutura (tezja e tyre) me fëmijët dhe i thotë drejtorit me zë të lartë “Mos e len me i taku fëmijët!”….
Motra e vetme e biznesmenit Sula, Safete Dulaj i bashkohet akuzave të babait të saj të moshuar duke hedhur si provë që kundërshton dëshminë e fëmijëve, foto të familjes të cilat tregojnë se ata jetonin të lumtur dhe vëllai i saj e donte bashkëshorten e ndjerë.
Ajo është e bindur se Sadetini është i pafajshëm. Pas një analize të kësaj ngjarje psikologia Ervisa Lula dhe sociologia Entela Binjaku kanë sjellë në vëmendje dhunën ndaj vajzave dhe grave, një fenomen i cili për fat të keq ende vazhdon.
https://youtu.be/NeE3tBnVRZM
GSH.AL
