Përmes një postimi në rrjetet sociale, Ambasada e Shteteve të Bashkuara të Amerikës në vendin tonë, ka sqaruar procedurat për ata që janë në pritje të një vize emigrimi për në SHBA
Bëhet fjalë për viza që të afërmit tuaj do bëjnë bashkim familjar, martesë, apo rastet e bashkimeve prindër-fëmijë.
“Ju uroj një të enjte të lumtur! Keni pyetje në lidhje me kërkesat për viza emigruese? Është e rëndësishme të dini se zyra e Departamentit të Sigurisë Kombëtare USCIS i përpunon ato kërkesa dhe Qendra Kombëtare e Vizave (NVC) cakton takimet për vizë, kështu që ju duhet t’u bëni atyre pyetje që mund të keni në lidhje me peticionet në pritje. Sidoqoftë, nëse thjesht doni të pyesni se si funksionon procesi, unë jam këtu për t’ju ndihmuar!“, – thotë Ambasada Amerikane në Tiranë./ I.M-Dritare.net
