TEC i Vlorës me koncesion, Gjiknuri firmosi kontratën më 31 dhjetor
E Enjte 3 Janar 2019, 17:05
Dritare.net
Sipas dokumenteve të shpallura në faqen e Agjencisë së Prokurimeve Publike, do të investohen edhe 58 milionë euro për të riparuar defektet e termocentralit, si dhe për të ndryshuar sistemin e prodhimit të energjisë, nga naftë, në gaz, për të ulur shpenzimet.
Në dokumentet parapake të tenderit, Ministria nuk ka marrë përsipër blerjen e energjisë që do të prodhojë privati nga TEC-i. Burime nga Ministri thonë se fillimisht do të priten ofertat, e në bazë të tyre do të negociohen.
Ka qenë kompania italiane “Technimoni” ajo që ka ndërtuar termocentralin e Vlorës në vitin 2011, dhe e dorëzoi jo funksional, me defekte. TEC nuk ka prodhuar asnjëherë energji elektrike./E.B-dritare.net
