Të hënën ngrihet SPAK/ Emërohen 8 prokurorët e parë, hapet gara për kryetar!
SHKRUAR MË 22 Nëntor 2019
Dritare.net
Ditën e hënë Këshilli i Lartë i Prokurorisë, ka njoftuar se do të emërojë 8 prokurorët e Prokurorisë Anti-korrupsion, e njohur ndryshe si SPAK.
Sipas KLP, po këtë ditë do të hapet edhe gara për kryetarin e kësaj njësie speciale, që si synim ka hetimin e korrupsionit në nivele të larta.
Prokurorët e përzgjedhur janë si më poshtë:
–Altin Dumani,
-Arben Kraja,
-Behar Dibra,
-Edvin Kondilli,
-Elida Celami(Kaçkini),
-Ened Nakuçi,
-Enkeleda Millonai,
-Klodian Braho
Në mbledhjen e së hënës, do të caktohet përkohësisht edhe prokurorjapranë Gjykatës së Apelit Korçë, të znj.Irena Çunoti, prokurore në Prokurorinë pranë Gjykatës së Shkallës së Parë Korçë, ndërsa Altin Dumani do të caktohet përkohësisht në pozicionin e Drejtuesit të Prokurorisë pranë Gjykatës së Apelit Për Krimet e Rënda Tiranë.
Mbledhja është caktuar të zhvillohet pranë Prokurorisë së Përgjithshme, ku do të jenë të pranishëm Përfaqësues nga Ministria e Drejtësisë, EURALIUS (EU Funded Project), OPDAT (Funded from the United States Department of Justice/ Assistance and Training and Technical Assistance Program), si dhe vëzhgues tё tjerё tё akredituar. / I.M-Dritare.net
