Si të mbrohemi nga meningokoksemia/ 40 raste të kësaj sëmundje nga viti 2006 deri në 2012

Pas një rasti të konfirmuar nga ISHP se humbi jetën ngaqë ishte prekur nga meningokoksemia dhe dy raste të tjera të dyshuara, por që nuk janë konfirmuar ka një shqetësim të shtuar në popullatë i cili vihet re dukshëm nëpër rrjete sociale.

Ndërkohë Instituti i Shëndetit publik nëpërmjet shefes së departamentit të sëmundjeve publike doli në deklaratë për media pikërisht për këtë qëllim, duke theksuar se nuk ka vend për panik pasi raste me meningokotoksemi ka çdo vit.

Meningokoksemia prek kryesisht moshat pediatrike. Sipas një studimi të bërë nga universiteti i mjekësisë gjatë viteve e 2006-2014, rezultuan 40 raste me sëmundje meningokoksemike.

Mjeku i njohur infeksionist profesor Tritan Kalo thekson se në çdo stinë të vitit, por më shpesh në prag ose përgjatë dimrit ndeshen me këtë klinikë mjekësore.

LEXO DHE :  Harry dhe Meghan heqin dorë zyrtarisht nga titujt mbretërorë

Po si duhet te ruhemi nga Meningokotoksemia ?

Mjekët thonë se nga përhapja e bakterit të sëmundjes vdekje prurëse duhet të mbrohesh njëlloj se për virozat respiratore apo për gripin.
Ky bakter tek një pjesë e pacientëve shfaq meningokoksemi pra infekton gjakun e pacientit.

Tek një pjesë tjetër prek cipën e trurit duke shkaktuar meningit dhe tek disa të tjerë shkakton purpura fulminante siç e quajnë mjekët, njolla të errëta në lekurë .

Meningokoksemia akute shfaq: temperaturë të lartë, ethe, dobësi, të vjella, diarre dhe dhimbjen e kokës.

Në rastet fulminante, sëmundja progreson brenda pak orësh, drejt hipotensionit, hemorragjisë adrenale, insuficencës renale.

Mjekët gjithashtu këshillojnë shmangien e grumbulimeve të shumta apo kujdes maksimal me higjenën personale pasi kjo sëmundje ka mortalitet të lartë./ I.M-Tch

Për t’u bërë pjesë e grupit "Dritare.net" mjafton të klikoni: JOIN GROUP

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.