Problemet autoimune mund të jenë të ndërlikuara dhe ato shpesh fillojnë me simptoma delikate që janë të lehta për t'u neglizhuar ose për t'u hedhur poshtë si lodhje ose stres i përditshëm. Por, çka nëse ato shenja të vogla, si lodhja e vazhdueshme ose dhimbjet e rastësishme, janë duke u përpjekur t'ju tregojnë diçka më shumë?
Shumë njerëz kalojnë vite pa e kuptuar se sistemi i tyre imunitar po punon kundër tyre. Vëmendja ndaj shenjave të hershme paralajmëruese mund të bëjë ndryshimin në marrjen e kujdesit të duhur më shpejt. Në këtë artikull, ne do ju sjellim disa shenja që duhet t’u kushtoni vëmendje.
Dhimbje të pashpjegueshme të muskujve ose kyçeve
Nëse zgjoheni me dhimbje muskujsh ose nyjesh pa ndonjë arsye, mund të jetë një shenjë e një çrregullimi autoimun. Ndryshe nga dhimbja e rregullt nga stërvitja, ky lloj shqetësimi shpesh zgjat ose përkeqësohet me kalimin e kohës. Dhimbja mund të vijë dhe të shkojë ose të shoqërohet me ngërçe, veçanërisht në mëngjes.
Ethe të shpeshta
Një sistem imunitar i shëndetshëm lufton infeksionet, por kur fillon të sulmojë trupin, mund të shkaktojë ethe të shpeshta. Ju mund të vini re se shpesh ndiheni paksa të nxehtë, të skuqur ose thjesht keni ftohtë ose grip. Këto ethe zakonisht janë të lehta, por mund t’ju bëjnë të rraskapitur. Nëse i kushtoni vëmendje këtyre shenjave, bëni mirë që të bëni një konsultë me mjekun.
Skuqje të lëkurës ose ndjeshmëri
Shumë sëmundje autoimune prekin lëkurën, duke shkaktuar skuqje, ose ndjeshmëri ndaj dritës së diellit. Ju mund të keni njolla të thata, të lëmuara, skuqje të pashpjegueshme ose një skuqje në formë fluture në hundë dhe faqe. Ndonjëherë, këto simptoma vijnë me kruajtje, duke i bërë ato edhe më të pakëndshme. Nëse problemet e lëkurës suaj nuk po përmirësohen me trajtime të rregullta, ato mund të jenë një shenjë e një problemi themelor autoimun.
Probleme me tretjen
Nëse keni të bëni me dhimbje të vazhdueshme stomaku, fryrje ose diarre, një çrregullim autoimun mund të jetë shkaku. Këto probleme shpesh vijnë me intolerancë ushqimore ose ndryshime të pashpjegueshme të peshës. Ndërsa problemet e herëpashershme të stomakut janë normale, problemet e vazhdueshme të tretjes mund të tregojnë diçka më serioze. Duke i kushtuar vëmendje mënyrës sesi trupi juaj reagon ndaj ushqimeve të ndryshme mund të ndihmojë në identifikimin e shkaktarëve të mundshëm.
Mjegull e trurit dhe vështirësi në përqendrim
Lodhja nga një çrregullim autoimun nuk është vetëm fizik, mund të ndikojë edhe në qartësinë mendore. Shumë njerëz me këto probleme përjetojnë "mjegull të trurit", gjë që e bën të vështirë përqendrimin, kujtimin e gjërave ose të menduarit qartë. Ju mund të keni vështirësi me detyra të thjeshta, të ndiheni të lodhur mendërisht ose të keni vështirësi në gjetjen e fjalëve të duhura. Kjo mund ta bëjë jetën e përditshme më sfiduese dhe të shtojë ndjenjat e zhgënjimit dhe rraskapitjes.
Rënia ose rrallimi i flokëve
Humbja e papritur e flokëve mund të jetë alarmante dhe ndonjëherë lidhet me çrregullime autoimune si alopecia. Në këto raste, sistemi imunitar gabimisht sulmon folikulat e flokëve, duke çuar në rrallime. Mund të vëreni më shumë qime në krehrin tuaj, në jastëk ose në dush. Ndonëse disa rënie janë normale, ia vlen t'i kushtohet vëmendje humbjes së papritur ose të tepruar të flokëve.
Mpirje, ose ndjesi shpimi gjilpërash duarsh dhe këmbësh
A e keni përjetuar ndonjëherë atë ndjesi të çuditshme shpimi ose mpirje në duar dhe këmbë? Ndoshta gishtat ju bëhen të ftohtë shumë lehtë, sidomos kur është ftohtë ose kur jeni të stresuar. Mund të duket e padëmshme në fillim, por nëse vazhdon të ndodhë, mund të jetë një shenjë e diçkaje më shumë. Me kalimin e kohës, këto ndjesi mund të bëhen më të vështira për t'u injoruar. Nëse po përballeni me këtë simptomë së bashku me lodhjen e vazhdueshme, duhet të bëni një kontroll te mjeku për të parë se çfarë po ndodh realisht me sistemin tuaj imunitar./K.C/dritare.net
Përmbajtja ofrohet vetëm për qëllime informative dhe nuk është zëvendësim i këshillave mjekësore. Kërkoni udhëzime nga mjeku në lidhje me shëndetin dhe gjendjen tuaj mjekësore.
