Romela Begaj, nga mësuese në Farkën e Vogël, tek kampione e botës në peshëngritje

Peshëngritsja e njohur shqiptare, Romela Begaj ishte e vetmja që mbajti lart flamurin kuqezi pasi u shpall kampione bote në stilin e shkëputjes kampionatin botëror të zhvilluar para pak ditësh në Shtetet e Bashkuara të Amerikës. Me këtë arritje historike, ajo bëri edhe njëherë tjetër krenar të gjithë kombin shqiptar. Por sa e vështirë ka qenë për Romelën arritja deri nëmajën e botës?

Ajo rrëfen gjithçka, që nga vështirësitë deri te vullneti për të qenë kjo që është sot. Kjo është intervista e Romelës për Alpenews.al:

Si e vlerësoni paraqitjen e Shqipërisë në Kampionatin Botëror të Peshëngritjes?

Shumë mirë, një paraqitje dinjitoze, dhe për shumë pak ikën dhe shumë medalje te tjera.

Çfarë mendoni se i penalizoi sportistët e tjerë shqiptarë për të arritur rezultate më të mira.

Nuk mund të flas për punën e sportistëve. Garat kanë të pa pritura.

A ishte e pritshme nga ana juaj të shpalleshit kampione bote duke qenë se vinit pas një skualifikimi?

Sportisti gjithmon sulmon më të mirën dhe pritshmëria ime ka qenë përherë të jem në podiumet Europiane dhe Botërore se kam 1 vit që po stervitem për këtë garë.

A ndikoi mungesa e fizioterapistit në paraqitjen tuaj?

Normal është një munges shumë e madhe.

A është ky kulmi i karrierës së Romela Begajt?

Jo jam shumë kërkuese nga ana ime.

Si e vlerësoni incidentin me flamurin shqiptar, mendoni se duhet t’i kushtojmë më tepër rëndësi imazhit?

Vërtet imazhi është ambasadori për përfaqësimin e Shqiperisë në të gjitha aspektet e vendit, por nuk është përgjegjësia ime.

Përsa i përket Kampionatit Europian të Peshëngritjes që do të zhvillohet në Shqipëri, a mendoni se vendi ynë i ka kapacitetet për mbarëvajtjen e këtij eventi?

Normal që po,  sepse vendi ynë i ka arritur prishmeritë për organizimin e 2 Europianëve.

Tashmë që u shpallët kampione bote, çfarë prisni përsa i perket trajtimit financiar dhe shpërblimeve?

Mbështetje, dhe është nje hap i mirë për sportin shqiptar.

Përsa i përket kushteve të stërvitjes, a jane ato të përshtatshme për sportistët shqiptarë?

Jo, prandaj detyrohemi të ikim në vendet te tjera.

Ku punon aktualisht Romela Begaj, dhe cilat janë ambiciet e saj për të ardhmen?

Unë punoj si Mësuese në një shkollë 9-vjecare në Farkë të Vogël, ku dua t’i përshëndes dhe kolektivin tim. Ambiciet e mia janë të shumta ku më e afërta është Europiani në Shqiperi dhe ta përfaqësoj sa më denjësish./D.M-Dritare.net