Kreu i shtetit, Ilir Meta kallëzoi sot në prokurori, kreun e KED, Ardian Dvorani. Pas kallëzimit ka reaguar edhe PD-ja, nëpërmjet Sekretarit të Përgjithshëm, Gazment Bardhi.
Përmes një deklarate për medie, Bardhi shprehet se, ky ishte vendimi i duhur, në mbrojtje të Kushtetues dhe integritetit të saj.
“Kallëzimi penal i Presidentit të Republikës ndaj Kryetarit të KED është akti i duhur në mbrojtje të Kushtetutës dhe integritetit të Gjykatës Kushtetuese.
Me veprimet e tij në shërbim të partisë në pushtet, Ardian Dvorani ka minuar ligjshmërinë dhe besueshmërinë e Gjykatës Kushtetuese.
Partia Demokratike beson se një hetim i shpejtë, i plotë dhe i pavarur i shkeljeve të ligjit nga Ardian Dvorani, është një gur themeli për rikthimin e besimit tek drejtësia.
Nga veprimet e prokurorisë do të varet, nëse shqiptarët mund të besojnë akoma se Reforma në Drejtësi nuk u bë që sistemi të kontrollohet nga Edi Rama, por për t’i dhënë fund pandëshkueshmërisë së politikanëve dhe zyrtarëve të korruptuar dhe për të trajtuar shqiptarët si të barabartë para ligjit.“,- tha Bardhi./K.C/dritare.net
KY RRUSHI E KA TE SHKRUAR NE BALLE QE ESHTE HOMO…