Numri i viktimave nga koronavirusi arrin 106, Kina forcon masat
E Martë 28 Janar 2020, 08:08
Dritare.net
Numri total i njerëzve të konfirmuar me virus kinez deri më tani është 4.515, ndërkohë që një ditë më parë ishte 2.835 të prekur.
Kina ka forcuar masat duke kufizuar udhëtimet, duke e bërë të detyrueshme ecjen me maska në publik, në disa qytete, informon dritare.net.
Wuhan është qyteti ku ka shpërthyer fillimisht virusi, por tani është i përhapur në të gjithë Kinën dhe ndërkombëtarisht.
Në 24 orët e fundit:
- Pekini dhe Shanghai po kontrollojnë intensivisht çdo person që vjen nga Wuhan.
- Është shtyrë semestri i ri për shkollat dhe universitetet në mbarë vendin, pa dhënë një datë rifillimi.
- Janë pezulluar linjat e trenit.
- Administrata e imigracionit ka lajmëruar qytetarët të shmangin lëvizjet ndërkufitare./E.B-dritare.net
