Video/Do fliste për Klan Kosova, gazetarët bojkotojnë konferencën e ministres së Kosovës!
E Martë 1 Gusht 2023, 18:06
Dritare.net
Në Kosovë është pritur me revoltë heqja e licencës së Klan Kosovës. Prej ditësh, gazetarët janë ngritur në protestë.
Ministrja e Industrisë, Ndërmarrjes dhe Tregtisë në Kosovë, Rozeta Hajdari është përballur me protestën e gazetarëve kundër vendimit për heqjen e licencës së Klan Kosovës. Në momentin kur ajo filloi të fliste në konferencën e njoftuar, gazetarët janë afruar një nga një pranë podiumit dhe në mënyrë demonstrative hoqën mikrofonat.
Pas gazetarëve janë tërhequr edhe kameramanët duke u larguar nga salla dhe duke lënë ministren në monologun e saj. Hajdari po fliste për bizneset që kanë bërë shkelje ligjore të ngjashme me Klan Kosovën, shkak për të cilin është marrë vendimi për mbylljen e televizionit./F.M/dritare.net
