“Unë jam UÇK” mbledh mijëra qytetarë në Tiranë, mesazhe për drejtësi dhe dinjitet kombëtar
E Premte 17 Tetor 2025, 16:04
Dritare.net
Që në orët e para të pasdites, mijëra qytetarë nga Shqipëria, Kosova, Maqedonia e Veriut dhe diaspora janë mbledhur në qendër të Tiranës, duke mbajtur flamuj kombëtarë dhe simbole të UÇK-së.
Në bulevard dhe në shesh dominon ngjyra kuqezi, ndërsa pjesëmarrësit brohorasin për drejtësi dhe për lirinë e ish-komandantëve që po gjykohen në Hagë.
Në shesh vërehen pankarta me mbishkrimet “Liria ka emër – UÇK” dhe “Drejtësi për çlirimtarët”, ndërsa organizatorët parashikojnë që tubimi të përfundojë në mbrëmje me një marshim simbolik.
Disa akse rrugore dhe bulevarde mund të bllokohen përkohësisht për shkak të lëvizjeve të protestuesve dhe masave të sigurimit./dritare.net
