Surprizat e kabinetit të ri, vajza e ish-Presidentit Meidani, ministre në qeverinë Rama 3!
E Mërkurë 1 Shtator 2021, 19:07
Dritare.net
Nga burime për dritare.net, mësohet se kabinetit qeverisës, si ministre e Rama 3, do t'i bashkohet vajza e një personazhi të rëndësishëm të Partisë Socialiste. Fjala është për Adea Meidani, vajza e ish- Presidentit Rexhep Meidani.
Adea Meidani është avokate në fushën e fiskalitetit ndërkombëtar dhe ushtron profesionin e saj prej vitesh në Paris, duke punuar me klientë ndërkombëtarë. Pas eksperiencës së saj pedagogjike në Universitetin e famshëm të Sorbonës përreth tre vjet, ajo iu përkushtua ngritjes së karrierës së saj. Në intervista të kaluara Adea është shprehur se i pëlqen ideja për t'u rikthyer dhe për të punuar në vendin e saj, por thjesht ishte duke pritur momentin e duhur.
Mesa duket momenti i duhur erdhi për të, ndërsa nesër pritet të shpallet ministre në kabinetin Rama 3. Pas vajzës së ish-kryeministrit Fino që do të jetë në kabinet si zv. ministre, është radha e vajzës së ish-Presidentit Meidani të bëhet pjesë e kabinetit me kryeministër Edi Ramën./M.T/dritare.net
