Rama takon Mitsotakis: Drejt një marrëveshjeje të re strategjike mes Shqipërisë dhe Greqisë!
E Mërkurë 22 Prill 2026, 11:11
Dritare.net
Kryeministri Edi Rama ka ndarë në rrjetet sociale një mesazh nga takimi në Athinë me homologun grek, Kyriakos Mitsotakis, duke theksuar raportin e afërt mes tyre dhe ambicien për të çuar përpara marrëdhëniet mes dy vendeve.
Në postimin e tij në Facebook, Rama shprehet se me Mitsotakis i lidh një “miqësi e posaçme”, e ndërtuar mbi synimin e përbashkët për modernizimin e Shqipërisë dhe Greqisë, si dhe për ngritjen e marrëdhënieve dypalëshe në një nivel të ri.
Kreu i qeverisë shqiptare thekson se gjatë kësaj rruge bashkëpunimi nuk kanë munguar as momentet e vështira, por komunikimi ka qenë gjithmonë i hapur, i drejtpërdrejtë dhe me respekt të ndërsjellë.
Dy vendet po punojnë për të zgjidhur përfundimisht çështjet e mbartura ndër vite, me synimin që brenda këtij viti të arrihet një marrëveshje e re për partneritet strategjik mes Shqipërisë dhe Greqisë.
"Athinë - Me kryeministrin e Greqisë, Kyriakos Mitsotakis, na lidh një miqësi e posaçme e farkëtuar në rrugën e përbashkët të ambicies për të modernizuar vendet tona dhe për t’i ngritur marrëdhëniet shqiptaro-greke në një nivel të ri. Përgjatë kësaj rruge jo vetëm momentet më të mira, po edhe ato më të vështirat janë karakterizuar gjithnjë nga komunikimi plot respekt e pa dorashka, ndërkohë që po punojmë për kapërcimin përfundimtar të të gjitha çështjeve të mbartura mes dy shteteve, për të dalë nga ky vit me një marrëveshje të re partneriteti strategjik"-shkruan Rama/dritare.net
