Propozimi i Ramës: Seriali “Adoleshenca” të jepet në shkolla
E Mërkurë 2 Prill 2025, 19:07
Dritare.net
Kryeministri Edi Rama takoi mësues dhe prindër në shkollën “Besnik Sykja” në Tiranë. Gjatë fjalës së tij Rama foli për mbylljen e TikTok-ut. Rama propozoi që në shkolla të transmetohet filmi që po rrëmben vëmendjen e botës, "Adoleshenca" si pjesë e programit të tyre mësimor.
“Shpresoj që mos t’ju mungojë durimi dhe për fjalën time. Dua t’ia nis nga fakti që kur hyra, mu përsërit në mendje gjithë ai cikli interesant i takimeve që zhvilluam me Ogertën me mësuesit dhe prindërit në të gjithë territorin. Ne aty, unë të paktën, munda të dëgjoj e të mësoj shumë gjëra., më vjen mirë që sot TikTok-u është mbyllur dhe fëmijëve, nxënësve i kemi siguruar një mbrojtje nga një influencës shumë negative që i qëndronte mbi kokë 24 orë në 24. Përfitoj nga rasti ta përsëris, mirë është që mësuesit t’ua thonë prindërve dhe nxënësve, përpjekja për të instaluar TikTok-un duke përdorur VPN-të e lira, është shumë e rrezikshme, sepse ato praktikisht e bëjnë telefonin të grabitshëm me të gjitha të dhënat që kanë brenda. Prandaj prindërit duhet të jenë të vëmendshëm në këtë aspekt.", tha Rama./K.C/dritare.net
