Nuk e priste askush! Eksperti i Eurovizionit i mahnitur nga kënga Zjerm: Kënga më të luajtura në Spotify!
E Mërkurë 14 Maj 2025, 10:10
Dritare.net
Muser Resolute, një nga emrat më me ndikim në Eurovizion, youtuberi i njohur për analizat e tij të thelluara dhe parashikimet e veçanta i dedikuar për Eurovizionin gjithashtu krijues i njohur i videove a tërhequr vëmendjen e fansave të muzikës për analizat e tij profesionale të këngëve që marrin pjesë në ngjarjen më të madhe muzikore evropiane.
Përmes kanalit të tij në YouTube, "Eurovision Breakdown with Muser Resolute", ai ofron një vlerësim të detajuar të elementeve muzikore të çdo kënge, duke u fokusuar në harmoni, ritëm, strukturë dhe interpretim vokal.
Së fundmi, ai ka trajtuar këngën e Shqipërisë për Eurovizionin 2025, "Zjerm", një kompozim nga Shkodra Elektronike. Kjo këngë ka kapur vëmendjen e tij dhe, siç e shpjegon ai, është bërë një prej këngëve më të luajtura në Spotify për këtë vit. Muser Resolute tregon se ka pasur një lloj "obsesioni" për këtë këngë, pasi diçka në të vazhdonte ta tërhiqte, megjithëse nuk e kuptonte menjëherë se çfarë ishte ajo që e bënte të tillë.
Ky kontrast mes ëndrrës dhe realitetit është ajo që ka tërhequr kaq shumë Muser Resolute. Ai thotë se ka diçka të veçantë në melodinë instrumentale që shoqëron këngën, e cila krijon tension dhe një ndjenjë të pazgjidhur. Mbi të gjitha, ajo që e bën këtë këngë kaq të tërheqëse është ndjenja që ajo kurrë nuk arrin të arrijë atë moment të "perfekt" që Beatric e dëshiron, duke krijuar një lloj "magjie" që të mbush me dëshirën për të dëgjuar përsëri.
“Kënga e Shqipërisë për Eurovisionin e këtij viti ka tërhequr vëmendjen e shumë dëgjuesve, dhe është e mundur që keni dëgjuar dhe ju këtë këngë. Por ndoshta, nuk keni arritur të kuptoni ende pse ajo vazhdon t’ju tërheqë dhe të mos ju lërë të qetë. Edhe pse duket e thjeshtë dhe e njohur, kjo këngë ka një element që i jep atij një natyrë tërheqëse dhe mbresëlënëse, duke e bërë një nga këngët më të luajtura për këtë vit.
Për krijuesin e analizave muzikore dhe mësuesin e muzikës australian, Muser Resolute, "Zjerm" tashmë është në rrugën për t’u bërë kënga më e dëgjuar në Spotify për këtë vit. Ai e pranon se thjesht nuk mund të ndalej duke e dëgjuar këtë këngë dhe kishte nevojë të thellohej më shumë në të, sepse diçka në të e shqetësonte. Në kërkimin e tij, ai ka zbuluar një element që ia ka shpjeguar krejtësisht këtë tërheqje dhe ka ndarë mendimin e tij me publikun.
Në një intervistë të zhvilluar nga blogu Weiwi, Beatric dhe Kloa nga grupi Shkodra Elektronike, që kanë krijuar këtë këngë, shpjeguan ku qëndron ajo ndjenjë e trishtimit që ndjehet në "Zjerm". Ata përmendën se kënga flet për një "minutë perfekte", një moment pa kaos, ku njerëzit janë të sjellshëm dhe ku nuk ka luftë, mjerim apo sëmundje. Beatric, e cila është vokalistja e grupit, përshkruan veten si një ëndërrimtare që dëshiron të imagjinojë një botë pa dhimbje, ku të gjithë janë të bashkuar në dritë dhe pa luftë.
Megjithatë, Kola sjell një përmbysje në këtë imagjinatë të Beatric, duke e përshkruar realitetin e vështirë dhe duke shprehur me anë të figurës së zjarrit, i cili "gëlltit" çdo gjë. Ky kontrast midis ëndrrës dhe realitetit është ajo që i jep këngës një dritë dhe hijë që vazhdon ta mbajë dëgjuesin të fiksuar.
Muser Resolute ka theksuar se ka diçka të veçantë në atë pjesë instrumentale që shoqëron këngën, e cila krijon një tension dhe një ndjenjë që nuk përfundon kurrë. Ajo ngjall ndjenjën e pasigurisë dhe vazhdon të tërheqë dëgjuesin, duke e bërë të dëgjojë përsëri, pavarësisht se di që nuk do të arrijë asnjëherë atë "minutë perfekte" që shpreson Beatric.
Ky element, sipas Muser Resolute, është ajo që bën "Zjerm" një këngë tërheqëse, sepse ajo kurrë nuk arrin të sjellë përfundimin e dëshiruar, por vazhdon të të mbajë në tension./E.P-dritare.net
Kush është Muser Resolute?
Muser Resolute është një krijues përmbajtjeje dhe mësues muzike nga Australia, i njohur për analizat e tij të thella dhe tërheqëse të këngëve pjesëmarrëse në Eurovision. Ai menaxhon kanalin në YouTube “The Muser Resolute (MTR)”, ku publikon video që përfshijnë reagime, analiza muzikore dhe komente mbi performancat e artistëve në këtë festival. 
Në kanalin e tij, Muser Resolute ofron një seri të quajtur “Eurovision Breakdown”, ku analizon këngët pjesëmarrëse, përfshirë edhe ato nga Shqipëria, si “Zjerm” nga Shkodra Elektronike. Ai përdor njohuritë e tij në teori muzikore për të shqyrtuar strukturën, harmoninë dhe emocionet që përcjellin këto këngë, duke i bërë analizat e tij tërheqëse për një audiencë të gjerë. 
Përveç analizave muzikore, Muser Resolute ndan edhe mendimet e tij personale dhe reagimet ndaj performancave të ndryshme, duke i shtuar një dimension më personal përmbajtjes së tij. Ai është aktiv në rrjetet sociale dhe ka ndërtuar një komunitet të dedikuar ndjekësish që ndajnë pasionin për muzikën dhe Eurovisionin.
