Mediat ndërkombëtare: Panik në Shqipëri. Vendi përmbytet nga 30 milionë turistë
E Hënë 2 Qershor 2025, 18:06
Dritare.net
Express
Një vend europian mund të përmbytet së shpejti nga një numër i tepërt turistësh që mbërrijnë në brigjet e tij. Shqipëria ka përjetuar një bum të madh turistik në vitet e fundit, me hapjen e shumë hoteleve dhe plazhet e saj me rërë që janë bërë të preferuara nga influencerët në rrjetet sociale.
Në vitin 2015, mbi tre milionë turistë vizituan Shqipërinë. Ky numër u rrit në katër milionë në vitin 2017 dhe në gjashtë milionë në vitin 2019. Pas pandemisë, shifrat janë rritur ndjeshëm, me rreth 10 milionë vizitorë në vitin 2023 – një rritje prej 56% krahasuar me shifrat para pandemisë. Kjo e ka bërë Shqipërinë destinacionin turistik me rritjen më të shpejtë në Europë, ndërsa qeveria shqiptare pret deri në 30 milionë vizitorë të huaj deri në vitin 2030.
Shqipëria renditet e treta në botë për rritjen më të shpejtë të turizmit, pas Katarit dhe Porto Rikos. Katari, vendi i pasur me naftë në Lindjen e Mesme, ka parë një rritje prej 89% të turistëve nga viti 2019 në 2023, ndërsa Porto Riko ka pësuar një rritje 58%, pak më shumë se Shqipëria.
Midis investitorëve në turizmin shqiptar janë Jared Kushner dhe bashkëshortja e tij, Ivanka Trump, të cilët kanë marrë së fundmi miratimin për një hotel luksoz me vlerë 1.4 miliardë dollarë (1.04 miliardë paund) në ishullin e Sazanit./L.F-dritare.net
