Çfarë mendojnë shqiptarët për vizitën e Ramës në Britani të Madhe!
E Diel 26 Mars 2023, 18:06
Dritare.net
Pak ditë më parë kryeministri Edi Rama ishte për një vizitë zyrtare në Britani të Madhe, ku foli për problematikat që kanë hasur shqiptarët, gjuhën e urrejtjes së përdorur ndaj tyre edhe shumë të tjera.
Dritare bëri një sondazh në kanalin e saj zyrtar në Youtube DritareTV ky pyeti ndjekësit se çfarë mendojnë për vizitën e Ramës në Britani të Madhe. Në sondazh votuan mbi 3,200 ndjekës të DritareTV dhe shumë të tjerë dhanë mendimin e tyre.
Shumë ndjekës e cilësuan si të dobishme vizitën e Ramës në Britani të Madhe.
“Mua më duket jo e kotë vizita e kryeministrit. Do kemi një favor ne shqiptarët që jetojmë prej vitesh këtu në Britaninë e Madhe dhe besoj se do u lehtësojnë sado pak që të kenë mundësi shqiptaret për të drejtat e tyre dhe mos të dallohen dhe të urrehen...!”, komenton një ndjekës i DritareTV, i cili jeton në Britani të Madhe.
Ndërsa një tjetër shprehet: “Është i vetmi kryeministër që i ka dalë për zot vendit dhe bashkëkombësve tanë kudondodhur. Jemi krenar për falën e tij me kryeministrin e Britanisë ku i vuri pikat mbi "i" tregoi dhe një herë se është një burrë shteti i vërtetë jemi krenar për të.”
Por ka pasur edhe të tjerë që thonë se ishte vizitë e kotë./K.C./dritare.net
