Exit poll-et në Gjermani nxjerrin fituese partinë CDU-CSU. Reagon Scholz
E Diel 23 Shkurt 2025, 19:07
Dritare.net
Dalin sondazhet e para pas mbylljes së kutive të votimit në Gjermani. Friedrich Merz dhe Kristian Demokratët e tij kanë një epërsi të padiskutueshme, sipas të dyja sondazheve që kanë dalë pas mbylljes së votimit në Gjermani.
Ndërkohë e dyta renditet ekstremi i djathtë, ndërsa Olaf Scholz i treti.
Sondazhi nga ZDF:
CDU – CSU – 28,5%
AFD – 20%
SPD – 16.5%
Gjelbrit – 12%
Linke – 9%
FDP – 5%
BSW – 5%
Sondazhi nga ARD:
CDU – CSU – 29%
AFD – 19,5%
SPD – 16%
Gjelbrit – 13.5%
Linke – 8.5%
FDP – 4.9%
BSW – 4,7%
Kancelari gjerman Olaf Scholz, kreu i Social Demokratëve (SPD), thotë se rezultatet e zgjedhjeve janë “të hidhura” për partinë e tij, duke i quajtur ato një “humbje”.
Exit poll-et treguan se SPD ishte në vendin e tretë, me 16-16.5% të votave. Duke folur me mbështetësit në Berlin, Scholz thotë se është një moment “në të cilin ne duhet të pranojmë se kemi humbur zgjedhjet”.
Në zgjedhjet e mëparshme, thotë ai, partia kishte një rezultat “më të mirë” për të cilin ai ishte “përgjegjës”, duke shtuar se ky rezultat “është më i keq dhe unë jam përgjegjës edhe për këtë”.
Scholz përgëzoi ndërkohë Friedrich Merz, liderin e partisë konservatore Demokristiane, i cili rezulton i pari në sondazhe./K.C/dritare.net
