Dita e Alfabetit! Rama: Dita që vulosi shqipen!
E Shtunë 22 Nëntor 2025, 08:08
Dritare.net
Sot më 22 nëntor është Dita e Alfabetit të Gjuhës Shqipe, i cili u njësua në Kongresin e Manastirit.
Kongresi i Manastirit u zhvillua mes 14-22 nëntorit të vitit 1908.
Në të morën pjesë 50 delegatë nga 26 qytete të ndryshme. Kongresi njësoi alfabetin me 36 shkronja latine, që e përdorim edhe sot.
Kryeministri Edi Rama ka uruar Ditën e Alfabetit. Në një postim në rrjete sociale, ai shkruan se kjo ditë vulosi jo vetëm shqipen si kod gjyhësor por edhe si një univers identiteti.
"Mirëmëngjes dhe gëzuar Ditën e Alfabetit, ditën që vulosi shqipen jo vetëm si kod gjuhësor, por si një univers identiteti, mendimi e kulturash në rrugën drejt së ardhmes ku fjala shqipe vazhdon të ndërtojë historinë e një kombi që shpirtin e ka te gjuha", ka shkruar kryeministri.
