Kryetari i Partisë Demokratike, Sali Berisha, po zhvillon një takim me përfaqësues të forcave politike opozitare, brenda dhe jashtë parlamentit, ku theksoi rëndësinë e bashkimit në një front të gjerë opozitar për të shtyrë përpara reformën zgjedhore dhe reformën territoriale.
“Ju përshëndes përzemërsisht secilin prej jush. Ky takim ka për qëllim kryesor të gjejmë një ujdi së bashku si një front i gjerë për reformën zgjedhore dhe reformën territoriale,” – u shpreh Berisha në fjalën e tij hapëse.
Ai theksoi se reformat themelore të një sistemi janë të domosdoshme dhe duhet të ndërmerren me përgjegjësi dhe bashkëpunim të gjerë politik, duke nënvizuar se vetëm një opozitë e bashkuar mund të ushtrojë presion për ndryshime reale dhe funksionale në vend./L.F-dritare.net
