A do arrestohet Balluku? Çfarë thotë avokat Ngjela!
E Hënë 22 Dhjetor 2025, 17:05
Dritare.net
Debati mbi drejtësinë e re dhe funksionimin e Prokurorisë së Posaçme (SPAK) ka marrë një dimension të ri në analizën e Spartak Ngjelës. Për Ngjelën, SPAK nuk është thjesht një organ shqiptar, por një strukturë e projektuar, e financuar dhe e mbikëqyrur nga Shtetet e Bashkuara dhe Bashkimi Evropian.
“SPAK-un nuk e kemi ngritur ne, nuk e paguajmë ne, atje ka ekspertë amerikanë,' theksoi Ngjela, duke dashur të largojë çdo dyshim se politika e Tiranës mund të influencojë hetimet e nivelit të lartë. Ai e sheh këtë institucion si 'shpëtimin e Shqipërisë' nga kthetra e korrupsionit shumëvjeçar. Sipas tij, fakti që figura të larta politike, përfshirë ish-kryeministra dhe ministra, janë sot nën hetim apo të pandehur, është prova më e qartë se pandëshkueshmëria ka marrë fund. Ai argumenton se frika e klasës politike nga SPAK buron pikërisht nga vetëdija se ky institucion nuk kontrollohet nga telefonatat e politikanëve vendas, por ndjek standarde të imponuara nga partnerët ndërkombëtarë.
I pyetur nëse do arrestohet Belinda Balluku, Ngjela tha; "Atë e di pushteti gjyqësor. Ajo është e akuzuar për korrupsion. E di SPAK-u dhe unë thashë që SPAK nuk është i yni. SPAK i ka bërë të gjitha dhe është ndërtuar nga Uashingtoni dhe nga ndërkombëtarët për të shpëtuar Shqipërinë nga korrupsioni. Kaq e ka thënë presidenti amerikan."
Ngjela parashikon se goditjet ndaj korrupsionit do të intensifikohen, duke mos kursyer askënd, pavarësisht postit apo fuqisë politike që mund të ketë pasur në të shkuarën./K.C/dritare.net
