Ndahet nga jeta shkrimtari i njohur, Fatos Arapi
E Enjte 11 Tetor 2018, 09:09
Dritare.net
Fatos Arapi lindi në vitin 1929 në Vlorë, Shqipëri, ku kreu shkollën e mesme, ndërsa studimet e larta i ndoqi në Bullgari (Sofje) në fakultetin e Matematikës dhe të Ekonomisë. Ka punuar shumë vjet si gazetar dhe pedagog në Fakultetin e Historisë Filologji të Tiranës.
Vepra e Fatos Arapit është e pasur në llojet e zhanret e ndryshme që ai lëvroi. Përveç poezisë ku ai qëndron në rreshtat e parë, F. Arapi ka shkruar disa novela: Patat e egra, 1969; Cipa e borës, 1985; Gjeniu pa kokë, 1999 etj; disa romane: Dhjetori i shqetësuar, 1970; Shokët, 1977; Deti në mes, 1986; disa drama: Partizani pa emër, 1962; Qezari dhe ushtari i mirë Shvejk, në front diku, 1995; ka bërë disa përkthime: Këngë për njeriun, Nikolla Vapcarov, 1981; Poezi, Pablo Neruda, 1989; Safo, 1990; Antologji e poezisë turke etj; si dhe ka shkruar një numër të madh artikujsh e studimesh të ndryshme.
Disa herë ka fituar çmime kombëtare e ndërkombëtare për poezi. Në vitin 2008 fitoi ‘Kurorën e artë’ në manifestimin poetik 'Mbrëmjet e Poezisë Strugane' dhe është i pari poet shqiptar që e ka fituar këtë shpërblim.
Dritare.net i shpreh ngushëllime të sinqerta, familjes Arapi./K.C/dritare.net
