Festivali i Filmit në Venecia është gjithmonë takimi më i rëndësishëm i fundit të verës. Tashmë shumë yje kanë mbërritur në festival dhe sytë e të gjithëve janë fokusuar drejt tyre.
Roberto Benigni, aktor dhe regjisor toskan fitues i çmimit Oskar, pritet të marrë Luanin e Artë, çmimin më të rëndësishëm në këtë festival.
Penélope Cruz, Jessica Chastain, Ben Affleck do të jenë gjithashtu pjesë e festivalit.
Luisa Ranieri dhe Luca Zingaretti i përshëndetën fotografët me një puthje. Në sallë do të jenë të pranishëm Presidenti i Republikës Sergio Mattarella, Ministri Spanjoll i Kulturës dhe Sportit Miquel Iceta.
Festivali i 78-të Ndërkombëtar i Filmit në Venecia organizohet nga La Biennale di Venezia dhe drejtohet nga Alberto Barbera.
Festivali do të zhvillohet në Venecia Lido nga data 1 deri 11 shtator. Qëllimi i Festivalit është të rrisë ndërgjegjësimin dhe të promovojë kinemanë ndërkombëtare në të gjitha format e saj si art, argëtim dhe si industri./L.F-dritare.net
