Letër psikologes/ Jam e dëshpëruar, përjetoj gjendje ankthi
E Hënë 18 Nëntor 2019, 16:04
Dritare.net
Përshëndetje, unë që po ju shkruaj jetoj e punoj në një qytet jo shumë larg Tiranës , jam me arsim të lartë e punoj në një institucion shtetëror. Kam dy fëmijë një djalë 6 vjeç dhe një vajzë 2 vjeçare. Kam pasur një jetë të vështirë familjare në fëmijëri dhe kjo më ka bërë pak tip të vështirë e të ndjeshëm. Mërzitem shumë shpejt dhe me rri mendja gjatë për gjëra ndoshta jo shumë të rëndësishme ,mundohem duke i analizuar bisedat me veten time as shume sa filloj të dridhem, përjetoj gjendje ankthi, ndjehem gjithë kohës shpirtërisht keq, e pavlerë, e pasigurt , e dëshpëruar, kam rënë shumë nga pesha sepse nuk kam oreks. Ju lutem çfarë duhet të bëj që të mund të përmirësohem sadopak?
Përgjigjet psikologia:
Ju falënderoj që u drejtuat te unë lexuesja jonë.
Fillimisht do të doja të shprehesha se vetëm specialisti mund t'ju orientoj për veprime që mund të ndihmojnë në nevojën që keni. Por le të kthehem tek ajo që me përshkruan, me tregon se ndoshta po përjeton ankth. Emocioni i ankthit karakterizohet nga një gjendje e pakëndshme trazimi të brendshëm, shpesh i shoqëruar nga sjellje nervoze, të tilla si ecja poshtë e lart. Emocioni i ankthit nuk është i njëjtë me frikën që është një përgjigje ndaj një kërcënimi të vërtetë, ankthi është pritshmëria e një kërcënim të ardhshëm. Ankthi është një ndjenjë meraku dhe shqetësimi. Zakonisht shoqërohet me tension muskulor, parehati,lodhje dhe probleme me përqendrimin. Gjithsesi simptomat më të shpeshta të ankthit janë:
Marramendja;
Dhimbje shpine;
Djersitje;
Frikë;
Lehtësisht i frikësuar;
Lodhje;
Shqetësim;
Shtim i rrahjeve të zemrës apo çrregullim i rrahjeve;
Tension i lartë i gjakut;
Gjendje e vazhdueshme e shqetësimit pa arsye
Zakonisht trajtimet e ankthit janë një kombinim mes terapisë dhe medikamenteve. Terapia mund të jetë psikoterapi(terapi me të folur) ose “cognitive-behaviroal therapy. Qëllimi i psikoterapisë është që ‘pacienti’ të gjejë shkaqet e ankthit dhe të gjejë rrugët si ta përballojë më lehtë .Medikamentet janë një mënyrë tjetër për ta trajtuar ankthin por gjithmonë e shoqëruar nga psikoterapitë .Unë besoj se nga ato që përmenda do të mund të kuptosh sadopak veten për t'u qartësuar e për ta ndihmuar gjendjen tuaj. Ju uroj ditë të mbarë dhe mos hezito të kontaktosh specialistin nëse vazhdon të mos ndihesh mirë./dritare.net
Enertila Bekteshi, Psikologe Klinike, QSUT
Nëse doni të ndani pyetje, këshilla apo dhe rrëfime, ju lutem shkruani në: [email protected]
