Foto/ Kate Middleton e mahnitshme sot, në shërbimin e Krishtlindjes!
E Mërkurë 25 Dhjetor 2024, 17:05
Dritare.net
Princi George, Princesha Charlotte dhe Princi Louis përhapën gëzimin e Krishtlindjeve gjatë rrugës për në kishë sot.
George, Charlotte,dhe Louis ecën së bashku me prindërit e tyre Princin William dhe Kate, Princeshën e Uellsit, ndërsa anëtarët e familjes mbretërore të Britanisë u futën në kishën e Shën Maria Magdalenës për shërbimin e tyre tradicional të Krishtlindjes.
Kate kishte veshur një pallto të gjatë, jeshile të errët me një kapele të ngjashme dhe një shall jeshile me blu të mbështjellë rreth qafës. George, Louis dhe Princi William mbanin të gjithë xhaketa formale të marinës, fëmijët me kravata jeshile, ndërsa babai i tyre blu.
Mbretërorët u pritën me ovacione dhe gëzim nga britanikët, të sensibilizuar pasi dy mbretërorë u diagnostikuan me kancer këtë vit. Në shkurt, Buckingham Palace njoftoi se Charles ishte diagnostikuar me kancer. Një muaj më vonë, në mars, Kate njoftoi se edhe ajo ishte diagnostikuar me kancer.
Ashtu si Charles, Kate nuk ka treguar publikisht se me çfarë lloj kanceri u diagnostikua. Ajo tregoi në shtator se kishte përfunduar kimioterapinë dhe do kthehej gradualisht në punë./K.C/dritare.net
